«Almaty Resort» шипажайында дәстүрлі түрде аға буын өкілдерін құрметтеуге арналған Қарттар күні мерекелік концертпен атап өтті.
Біз егле жастағы қонақтарымыз үшін арнайы әзірленген қолжетімді және тиімді оңалту бағдарламаларын ұсына отырып, денсаулығына үлкен мән береміз. Мемлекеттік қолдаудың арқасында егде жастағы азаматтар қаржылық мәселелер туралы алаңдамай, толыққанды курорттық-шипажайлық ем ала алады.
Жыл басынан бері 744 адам «Almaty Resort» шипажайында тегін ем алды. Бұл қызмет зейнеткерлерге, сондай-ақ мүгедектерге арналған" әлеуметтік портал " арқылы қолжетімді. Ол үшін тіркеу орны бойынша жұмыспен қамту және әлеуметтік қорғау бөліміне өтінім қалдыру қажет. Жолдама кезекпен бөлінеді. Кезекке қою үшін жеке куәлік және 068 нысанды анықтама қажет. «Almaty Resort» қызметкерлері барлық қонақтарына шын жүректен алғыс білдіреді және олардың қалпына келу және ұзақ өмір сүру жолының бір бөлігі болғанына қуанышты. «Қарттар күні» - мереке ғана емес, сонымен қатар өмірдің әр кезеңінде денсаулық сақтаудың қаншалықты маңызды екенін еске салады.
