Іс-шараның басты мақсаты - денсаулық сақтау саласына жаңа технологияларды іс жүзінде енгізу, ауруларды диагностикалау мен емдеудің заманауи әдістерін бөлісіп, тәжірибе алмасу, сондай-ақ облыстың медициналық мекемелерімен ғылыми-клиникалық ынтымақтастықты кеңейту.
Делегация құрамында ҚР ПІБ Медициналық орталығының «Оқжетпес» шипажайлар желісі бар. Кешен басшысы Яков Стерлигов облыс тұрғындарына емдеу-сауықтыру кешендері жайлы семинар өткізді.
Іссапар Жетісу облысы әкімдігі мен Қазақстан Республикасы Президенті Іс басқармасының Медициналық орталығы ынтымақтастық туралы меморандумға қол қоюмен өз мәресіне жетті.
Келісімнің арқасында аймақ тұрғындарына дәрігерлік кеңестер алу, санаторлық-курорттық емдеу және медициналық оңалту қызметтерін пайдалану мүмкіндігі беріледі.
