5 қыркүйек күні Алматы қаласында ҚР Президенті Іс Басқармасы Медициналық орталығының ведомстволық ұйымдары арасында волейболдан чемпионат өтті. Жарысқа алты команда қатысты: «Оқжетпес Бурабай», Медициналық орталық ауруханасы, Санитарлық-эпидемиологиялық сараптама орталығы (СЭСО), «Қарлығаш» балабақшасы, Ұлттық госпиталь және “Almaty Resort”.
Ойындар нағыз спорттық атмосферада өтті: алаңда қызу тартыс болып, әр команда соңғы ұпайға дейін жеңіс үшін күресті. Қызу бәсекеге қарамастан, матчтар достық көңіл-күйімен, қолдау және қарсыластар арасындағы өзара құрметпен ерекшеленді.
Чемпионат қорытындысы бойынша орындар келесідей бөлінді:
🏆 1 орын – «Оқжетпес Бурабай» командасы
🥈 2 орын – СЭСО командасы
🥉 3 орын – Медициналық орталық ауруханасы командасы
4 орын – “Almaty Resort” командасы
Командалық жеңістерден бөлек, ерекше көзге түскен ойыншыларға арнайы кубоктар табысталды:
• Әйелдер арасындағы үздік ойыншы – СЭСО командасының ойыншысы
• Үздік қорғаушы – Медициналық орталық ауруханасының ойыншысы
• Үздік шабуылшы – «Оқжетпес Бурабай» командасының ойыншысы
Чемпионат тек спорттық шара ғана емес, сонымен қатар корпоративтік рухты, достықты және командалық бірлікті нығайтудың тағы бір тамаша мүмкіндігі болды.
