«Адал Азамат» бағдарламасы аясында кәсіпорындардың тұрақтылығын, қауіпсіздігін және үздіксіз жұмысын қамтамасыз ететін адамдарға ерекше көңіл бөлінеді. Осындай мамандардың бірі — шипажайдың инженер-механигі әрі гараж меңгерушісі жәнібек Сабыров.
Жәнібек 2024 жылдан бері инженер-механик қызметін атқарып, шипажайдың гараж кешенін басқарады. Ол бүкіл көлік жүйесін ұйымдастыруға және бақылауға жауапты. Көліктердің техникалық жағдайынан бастап, тасымал логистикасы мен қауіпсіздігіне дейін жіті қадағалайды. Жәнібектің жұмысты жүйелі үйлестіруінің арқасында шипажай қызметкерлері мен басшылығы күн сайын жұмысқа уақытында келіп-кету мүмкіндігіне ие болып отыр. Almaty Resort автопаркі — күрделі әрі көпфункционалды жүйе. Жәнібектің басқаруында 17 техника бар, оның ішінде:
* қызметкерлерді тасымалдайтын 3 автобус;
* 7 жеңіл автокөлік;
* аумақты суару мен тазалауға арналған 2 трактор;
* жапырақ пен қар шығаруға арналған 2 қоқыс таситын көлік;
* арнайы техника, соның ішінде биіктегі жұмыстарға арналған автокөтергіш.
Автопарктің үздіксіз жұмыс істеуі - тек техника емес, сонымен қатар білікті мамандардың үйлесімді жұмысына байланысты. Автошаруашылықта күнделікті тасымалды қамтамасыз ететін 12 жүргізуші, техникалық қызмет көрсету мен жедел жөндеуге жауапты слесарь, сондай-ақ қозғалысты үйлестіріп, есеп жүргізетін және логистиканы реттейтін 2 диспетчер еңбек етеді. Олардың бірлескен жұмысы жүйенің ақаусыз жұмыс істеуіне мүмкіндік береді.
Жәнібек Сабыровтың жұмыс күні таңғы 8:00-де басталып, кешкі 18:00-ге дейін жалғасады. Күні бойы ол көліктердің бағытқа шығуын және уақытында гаражға оралуын бақылайды, техникалық жағдайын қадағалайды, жол қағаздарын рәсімдейді, есеп дайындайды, гаражды материалдық-техникалық жабдықтаумен айналысады және автошаруашылықтың жалпы жағдайына жауап береді.
Инженер-механик әрі гараж меңгерушісі мамандығы жоғары жауапкершілікті, техникалық білімді, тәртіптілікті және адамдармен жұмыс істей білуді талап етеді. Жәнібек Сабыровтың өз ісімен азаматтық жауапкершілік, адалдық пен патриотизм — кез келген кәсіпорынның тұрақты жұмысының негізі екенін дәлелдеп келеді. Оның Almaty Resort қызметіне қосқан үлесі — қонақтарға байқала бермейтін бірақ шипажайдың үйлесімді жұмысын қамтамасыз ететін аса маңызды күнделікті еңбек.
