Шипажайда тек емдік процедуралар қабылдап қана қоймай, рухани серпілуге мүмкіндік бар. Кітап оқу – өз алдына бір терапия екені әлдеқашан дәлелденген. Сондықтан біздің сауықтыру орнымызда бай кітап қоры бар, сондай-ақ жаңа газет-журналдармен толықтырылған жеке кітапхана жұмыс істейді. Айта кетерлігі, «Almaty Resort» қорындағы кейбір еңбектерді осы жерде демалып, шығармашылық кештер өткізген авторлар өздері сыйға тартқан, әрі кейбір туындылар дәл осы жерде жазылған.
Кітапханашы Акмарал Жақсылықованың айтуынша, демалушылар көбінесе жеңіл оқылатын детективтер мен көркем прозаны таңдайды, өйткені олар адамға ойды басқа арнаға бұруға көмектеседі. Танымал авторлардың қатарында Агата Кристи, Сидни Шелдон, Дарья Донцова, Борис Акунин бар.
Көңіл көтеру үшін қонақтар жеңіл, ирониялық романдар мен детективтерді алады — мысалы, Дарья Донцова немесе Агата Кристидің шығармалары. Оқиғасы ширақ мұндай туындылар күнделікті ойлардан арылуға көмектеседі.
Сергу үшін оқырмандар классиканы таңдайды — мысалы, Джейн Остиннің “Гордость и предубеждение» романы. Баяндаудың байсалды ырғағы мен нәзік әзіл жайлылық сезімін сыйлайды.
Шабыт іздегендер Шыңғыс Айтматов шығармаларына жүгінеді — мысалы, «Плаха» романы немесе «Қызыл алма» әңгімесі, онда терең философиялық тақырыптар көтеріледі.
Қонақтар, әсіресе егде жастағылар, жастық шағындағы кітаптарға қайта оралады. Солардың бірі — Әзілхан Нұршайықовтың «Махаббат қызық мол жылдар» шығармасы. Бұл туынды соғыстан кейінгі кезеңдегі Ербол Есенов пен Меңтай Ербосынованың махаббат хикаясын баяндайды.
Көкжиегін кеңейту үшін оқырмандар ұлттық әдебиет пен тарихи шығармаларды таңдайды. Мысалы, Мұхтар Әуезовтің «Абай жолы» роман-эпопеясы немесе Олжас Сүлейменовтің «Аз и Я» атты іргелі лингвистикалық зерттеуі.
Ал Айзек Азимов фантастикасын, Харуки Мураками романдарын және Дэн Браун шығармаларын басқа әлемді сезінгісі келетіндер таңдайды.
Сондықтан, шипажай кітапханасы – қалпына келу процесінің маңызды бөлігі саналады. Мұнда әр адам демалып, ойлануға, немесе шабыт алу үшін өзіне қажет кітапты таба алады.
